• Sunday 12 April, 2026 11:06 PM
  • Advertize
  • Aarudhal FM
காதலியை பல துண்டாக வெட்டி பிரிட்ஜில் வைத்த காதலன்

காதலியை பல துண்டாக வெட்டி பிரிட்ஜில் வைத்த காதலன்

தற்போது நிலவும் ‘எல் நினோ’ அபாயம் உயிர் காக்க தயாராகுங்கள்

தற்போது நிலவும் ‘எல் நினோ’ அபாயம் உயிர் காக்க தயாராகுங்கள்

ஆராதனைத் தலைவராக இருக்க வேண்டிய தகுதிகள்

ஆராதனைத் தலைவராக இருக்க வேண்டிய தகுதிகள்

திங்கட்கிழமைகளில் போதகர்கள் செய்ய வேண்டிய 7 காரியங்கள்

திங்கட்கிழமைகளில் போதகர்கள் செய்ய வேண்டிய 7 காரியங்கள்

2 மாத குழந்தையை அடுப்பில் போட்டு கொன்ற தாய்

2 மாத குழந்தையை அடுப்பில் போட்டு கொன்ற தாய்

சொந்த ஊரிலேயே IT வேலை மெகா சர்ப்ரைஸ்

சொந்த ஊரிலேயே IT வேலை மெகா சர்ப்ரைஸ்

சமூக நீதி மற்றும் சமத்துவ சிந்தனையில் ஈடுபட்ட ஆர். நல்லக்கண்ணு ஐயா இயற்கை எய்தினார்

சமூக நீதி மற்றும் சமத்துவ சிந்தனையில் ஈடுபட்ட ஆர். நல்லக்கண்ணு ஐயா இயற்கை எய்தினார்

கிங்டம் நெட்வொர்க் செய்தித்தாளுக்கான சிறப்பு பிரார்த்தனை

கிங்டம் நெட்வொர்க் செய்தித்தாளுக்கான சிறப்பு பிரார்த்தனை

மதவெறி தாக்குதலால் அணியிலிருந்து புறக்கணிக்கப்பட்டு மீண்டு வந்து சாதித்து இயேசுவுக்கு நன்றி கூறிய ஜெமிமா

மதவெறி தாக்குதலால் அணியிலிருந்து புறக்கணிக்கப்பட்டு மீண்டு வந்து சாதித்து இயேசுவுக்கு நன்றி கூறிய ஜெமிமா

Tag: tcn media

Older posts

தற்போது நிலவும் ‘எல் நினோ’ அபாயம் உயிர் காக்க தயாராகுங்கள்

Posted on by

தற்போது நிலவும் ‘எல் நினோ’ அபாயம் மேலும் மோசமடைகிறது…உங்கள் அன்பானவர்களின் உயிரைக் காக்க வேண்டுமெனில் இப்போதே இவற்றைத் தயார் செய்யுங்கள்…அன்புள்ள நண்பர்களே, நாம் இப்போது அனுபவிப்பது சாதாரண வெப்பமான காலநிலை அல்ல. இது அமைதியாக உயிர்களைப் பறிக்கக்கூடிய, நம்முடைய அன்பானவர்களை நம்மிடமிருந்து பிரிக்கத் தயாராக இருக்கும் ‘எல் நினோ’ (El Niño) என்ற பேராபத்தின் வருகை.

மே மாதம் வரும்போது இந்த நிலைமை மேலும் தீவிரமாகும். ‘எல் நினோ’ என்றால் என்ன?எளிதாகச் சொன்னால், பசிபிக் பெருங்கடலில் உள்ள நீர் அதிகமாக சூடாகிறது. இதனால் உலகம் முழுவதும் காற்றின் ஓட்டம் மாறுகிறது.

நமக்கு மே மாதத்தில் மழையை கொண்டு வர வேண்டிய தென்மேற்கு பருவமழை இந்த முறை தாமதமாகவோ குறைவாகவோ இருக்கலாம். அதாவது மழை பெய்ய வேண்டிய நேரத்தில் கடும் வெயில் மட்டுமே இருக்கும்.

இந்த நிலைமை மிகவும் ஆபத்தானது.Heat Stroke காரணமாக ஆரோக்கியமாக இருந்தவர்களும் உயிரிழக்கலாம். ஆகவே, நமது உயிர்களை பாதுகாக்க உடனே,

கீழ்க்கண்டவற்றைச் செய்ய வேண்டும்:

தாகம் வரும் வரை காத்திருக்க வேண்டாம் – அது ஆபத்து!தாகம் என்பது உடலில் ஏற்கனவே நீர் குறைந்ததற்கான அறிகுறி. ஒரு மணி நேரத்திற்கு ஒருமுறை தண்ணீர் குடிக்க வேண்டும். குழந்தைகளுக்கும் முதியவர்களுக்கும் கட்டாயம் தண்ணீர் குடிக்க வையுங்கள். எப்போதும் ஒரு தண்ணீர் பாட்டில் அருகில் வைத்திருங்கள்.

மதியம் 11 மணி முதல் 3 மணி வரை மிகவும் ஆபத்தான நேரம்இந்த நேரத்தில் வெயில் நேரடியாக உடலுக்கு தாக்கும்.

முடிந்தவரை வீட்டிற்குள் இருங்கள்பள்ளி விளையாட்டு நிகழ்ச்சிகள் இருந்தால் கவனமாக யோசிக்கவும்உங்கள் குழந்தையின் உயிர் எந்த பதக்கத்தையும் விட மதிப்புடையது

கருப்பு நிற உடைகளைத் தவிர்க்கவும்அவை வெப்பத்தை அதிகமாக உறிஞ்சும். வெள்ளை அல்லது இளஞ்சிவப்பு போன்ற இலகு நிற பருத்தி ஆடைகளை அணியுங்கள்.

Heat Stroke அறிகுறிகள்:

கடுமையான தலைவலி

மயக்கம்

வாந்தி

வியர்வை இல்லாமல் தோல் உலர்வு

இந்த அறிகுறிகள் இருந்தால் உடனே நிழலான இடத்துக்கு அழைத்து சென்று, ஈரமான துணியால் உடலை துடைத்து உடனடியாக மருத்துவமனைக்கு கொண்டு செல்லுங்கள். விலங்குகளையும் மறக்காதீர்கள்உங்கள் வீட்டில் உள்ள நாய்கள், பூனைகள் மட்டுமல்லாமல், தெருவில் உள்ள விலங்குகளுக்கும் உதவுங்கள்.வீட்டின் முன் அல்லது சுவரருகில் தண்ணீர் வைக்கவும்நிழல் கிடைக்கிறதா என்று கவனிக்கவும்

திங்கட்கிழமைகளில் போதகர்கள் செய்ய வேண்டிய 7 காரியங்கள்

Posted on by

திங்கட்கிழமைகளில் போதகர்கள் செய்ய வேண்டிய 7 காரியங்கள்

1️⃣ தனித்துச் செல்லுதல் மற்றும் தேறுதல் — உங்கள் ஆத்துமாவை புதுப்பித்துக் கொள்ளுங்கள்.மாற்கு 6:31தேவனுடைய ஊழியத்தில் உங்களை ஊற்றிய பிறகு, இயேசுவே சொன்னார்: “அக்கரைக்குப் போவோம் வாருங்கள்.” எல்லாப் போர்களும் ஏரியின் ஒரே பக்கத்தில் நடப்பதில்லை!👉 போதகரே, உங்கள் உடல் விறகுக்கட்டை அல்ல (ஓய்வின்றி எரிக்க). ஓய்வெடுங்கள்.

2️⃣ ஆராதனையை மறுஆய்வு செய்யுங்கள் — எது சிறப்பாக இருந்தது? எது இல்லை?நீதிமொழிகள் 27:23 — “உன் மந்தைகளின் நிலைமையை நன்றாய் அறிந்துகொள்.”ஒரு சிறந்த ஞாயிற்றுக்கிழமை ஆராதனை என்பது தற்செயலாக நடப்பதல்ல — அது தெளிவான திட்டமிடல் மற்றும் மதிப்பீட்டின் பலன்.கேளுங்கள்: ஊழியத்தை பயனுள்ள முறையில் செய்தோமா? ஒழுங்குமுறை சரியாக இருந்ததா? எதை மேம்படுத்த வேண்டும்?

3️⃣ தேவனோடு தனித்திருங்கள் — நீங்கள் ஊற்றியதை மீண்டும் நிரப்புங்கள்.ஏசாயா 40:31 — “கர்த்தருக்குக் காத்திருக்கிறவர்களோ புதுப்பெலன் அடைவார்கள்.”நீங்கள் உங்கள் ஆவியைத் தியாகம் செய்துள்ளீர்கள்… இப்போது அதை மீண்டும் நிரப்புங்கள்!தொலைபேசி இல்லை. கூட்டங்கள் இல்லை. ஆலோசனைகள் இல்லை. தேவன் மட்டுமே.

4️⃣ உங்கள் குடும்பத்தோடு நேரம் செலவிடுங்கள் — நீங்கள் மேய்க்கும் முதல் சபை உங்கள் குடும்பமே.1 தீமோத்தேயு 3:4-5ஊழியம் வல்லமையானது… ஆனால் குடும்பம் தான் அதற்கு அஸ்திவாரம்.உங்கள் துணைவியாரை/கணவரை கவனியுங்கள். குழந்தைகளுடன் விளையாடுங்கள். உண்மையான நேரத்தைச் செலவிடுங்கள் — ஊழியத்தின் மிச்சமீதி நேரத்தை அல்ல.

5️⃣ ஆத்துமாக்களைத் தொடர்ந்து கண்காணியுங்கள் — அறுவடை வீணாக விடாதீர்கள்.லூக்கா 15:7திட்டமிட்ட பின்தொடர்தல் (Follow-up) இல்லாத ஆராதனை என்பது, அறுவடை செய்த கதிர்களை வயலிலேயே விட்டுச் செல்வதற்குச் சமம்.புதியவர்களைத் தொடர்பு கொள்ளுங்கள். புதிதாகக் கிறிஸ்துவை ஏற்றுக்கொண்டவர்களுக்காக ஜெபியுங்கள். பலவீனமானவர்களைப் பலப்படுத்துங்கள். “ஆசீர்வாதத்தோடு” மேய்ப்புப் பணி முடிந்துவிடுவதில்லை.

6️⃣ உங்கள் ஊழியக் குழுவிற்கு நன்றி செலுத்துங்கள் — கனப்படுத்துதல் ஊழியத்தை உற்சாகப்படுத்தும்.ரோமர் 12:10 — “கனம்பண்ணுகிறதிலே ஒருவருக்கொருவர் முந்திக்கொள்ளுங்கள்.”அவர்களுக்குத் குறுஞ்செய்தி அனுப்புங்கள். அவர்களைப் பாராட்டுங்கள். அவர்களின் தியாகத்தைக் கொண்டாடுங்கள்.நன்றியுள்ள ஒரு போதகர், விசுவாசமான மற்றும் மகிழ்ச்சியான ஒரு குழுவை உருவாக்குகிறார்.

7️⃣ அடுத்த கட்டத்தைத் திட்டமிடுங்கள் — பரலோகம் திட்டமிடுதலோடு செயல்படுகிறது.ஆபகூக் 2:2 — “தரிசனத்தை எழுது…”ஆவிக்குரிய ரீதியிலோ அல்லது மன ரீதியிலோ உங்களை ஆயத்தப்படுத்த சனிக்கிழமை இரவு வரை காத்திருக்காதீர்கள்.கனவு காணுங்கள். திட்டமிடுங்கள். வழிநடத்துதலைத் தேடுங்கள்.தேவன் அடுத்து என்ன சொல்கிறார்? சபை அடுத்து என்ன செய்ய வேண்டும்? போதகரே, சரியான ஒழுங்குமுறை, கட்டமைப்பு மற்றும் ஞானம் இல்லாமல் ஞாயிற்றுக்கிழமை முதல் அடுத்த ஞாயிற்றுக்கிழமை வரை வாழ்வதற்கு உங்கள் அழைப்பு மிக மேலானது.

இந்த 7 முறைகளும் உங்களைக் கூர்மையாக வைக்கும், உங்களைப் புத்துணர்ச்சியுடன் வைத்திருக்கும் மற்றும் உங்களைத் தடையின்றி முன்னேறச் செய்யும்!

கிங்டம் நெட்வொர்க் செய்தித்தாளுக்கான சிறப்பு பிரார்த்தனை

Posted on by

பரமன்குறிச்சி பூரண கிருபை ஏ.ஜி. சபையில், நவம்பர் 2, 2025 ஞாயிற்றுக்கிழமை காலை நடைபெற்ற வழக்கமான ஆராதனையின் போது, “கிங்டம் நெட்வொர்க் செய்தித்தாளுக்கான சிறப்பு ஜெப நேரம் ஒதுக்கப்பட்டது.இந்த ஆன்மீக முக்கியத்துவமிக்க நிகழ்வில் சபையின் தலைமை போதகர் Rev. A. பெமிலிட்டன் அவர்கள் செய்தித்தாள் ஊழியத்திற்காக சிறப்பு ஜெபத்தை முன்னின்று நடத்தினார். ஜெபத்தின் போது அவர், “இந்த ஊடக ஊழியம் தேவனுடைய ராஜ்யத்தை விரிவுபடுத்தும் ஒரு சக்தியான கருவியாக பயன்படட்டும். பத்திரிகையின் வழியாக உண்மை செய்திகளும் சுவிசேஷ ஒளியும் பலரது வாழ்க்கைகளிலும் வெளிச்சம் தரட்டும்” என ஆர்வமுடன் வேண்டினார்.ஜெப நேரத்தில் கிங்டம் நெட்வொர்க் அலுவலக பணியாளரும் சபையின் உதவி போதகருமான Pastor. B. கிருபன் யோசுவா அவர்கள் அருகில் இணைந்து, தேவனுடைய கிருபையினால் இந்த ஊடக ஊழியம் தொடங்கி இன்று வரை பல பகுதிகளில் ஆசிர்வாதமாக இயங்கி வருவதைக் குறித்து சாட்சியமளித்தார். அவர் மேலும், “இந்த ஊடகப் பணிகள் மானிடப் புகழுக்காக அல்ல, தேவனுடைய மகிமைக்காகவே” என வலியுறுத்தி, அனைவரும் இணைந்து ஜெபிக்க ஊக்கமளித்தார்.சபை விசுவாசிகள் அனைவரும் ஒன்றிணைந்து, கிங்டம் நெட்வொர்க் செய்தித்தாள் ஒவ்வொரு ஆசிரியர், ரிப்போர்டர், மற்றும் தொழில்நுட்ப குழுவினரின் ஆரோக்கியத்திற்கும், அவர்களின் குடும்பங்களுக்கும் தேவனுடைய பாதுகாப்பு நிலைத்திருக்க வேண்டும் என மனமார்ந்த ஜெபம் செய்தனர். அதேபோல, செய்தித்தாள் வழியாக சமூக நலன், உண்மை செய்திகள், கிறிஸ்தவ மதிப்புகள், மற்றும் சமாதானம் பரவ வேண்டும் என்பதற்காகவும் அனைவரும் வேண்டினர்.ஜெபத்தின் முடிவில், சபை தலைமை போதகர் Rev. A. பெமிலிட்டன் அவர்கள் செய்தித்தாள் பிரதியை உயர்த்திப் பிடித்து, தேவனுடைய ஆசீர்வாதத்துடன் அர்ப்பணித்து, “இந்த பத்திரிகை தமிழகம் முழுவதும் தேவனுடைய நாமம் மகிமைப்படும்படி வல்லமையுடன் பயன்படட்டும்” என்று இறுதி ஆசீர்வாத ஜெபம் செய்தார்.

உலகிலேயே முதல் AI போர் விமானம்.. வரலாற்றுச் சாதனை படைத்த அமெரிக்க நிறுவனம்!

Posted on by
AI JET

30 Oct 2025

முழுக்க முழுக்க AI தொழில்நுட்பத்தில் இயங்கும் போர் விமானம் அமெரிக்காவில் உருவாகி உள்ளது. X-BAT எனப்படும் இந்த ஃபைட்டர் ஜெட், விமானி இல்லாமல் இயங்கும் தன்மை கொண்டது.

ராணுவ மற்றும் விமான தொழில்நுட்ப மேம்பாட்டில் முன்னணி நிறுவனங்களில் ஒன்றான KRATOS Defense & Security Solutions , உலகில் முதன்முறையாக செயற்கை நுண்ணறிவால் இயக்கக்கூடிய போர் விமானத்தை உருவாக்கியுள்ளது. XQ-58A Valkyrie என பெயரிடப்பட்ட இந்த விமானம், பொதுமக்கள் மற்றும் விமானத் துறை வட்டாரங்களில் பெரும் அதிர்ச்சியையும், எதிர்காலப் போர் செயல்பாட்டைப் பற்றிய விவாதத்தையும் தூண்டும் வகையில் இருக்கிறது.

விமானி இல்லாத போர் விமானம்

XQ-58A Valkyrie-யின் முக்கியப் பண்புகளில் முதலாவதாக இடம் பெறுவது இதன் பறக்குதலும், போர்துறையில் மனித வில்லையேற்றம் இல்லாமல் செயல்படுவதும் ஆகும். மனித படைப்பான விமானி இல்லாமல், செயற்கை நுண்ணறிவு (AI) முறையில் முழுமையாக தீர்மானங்களை எடுத்துக் கொள்ளும் திறன் கொண்டது என்று நிறுவனம் அறிவித்துள்ளது.இது சாதாரண விமானம் என்பதைக் காட்டிலும் பலமடங்கு சக்தி வாய்ந்தது; ஏனெனில் Valkyrie ஒரு போர் விமானமாக கணிக்கப்பட்டு அதிநவீன லக்னகள், தந்திரோபாய இயக்கங்கள், ஆபத்துக்களை மதிப்பீடு செய்வது போன்ற பணிகளை மனிதர்களின் உடனடி ஒத்துப்போக்கின்ற பதிலுக்கு இல்லாமல், AI சிந்தனைகளினால் மேற்கொள்கிறது.

போர் விமானத்தின் சிறப்பு

இந்த விமானத்தை வடிவமைக்கக் கூடியவர்களின் கருத்துப்படி, Valkyrie ஒரு “லாயல் விங்-மேன்” போல செயல்படுவதாகும். அதாவது மனிதன் இயக்கும் பிரதான போர் விமானங்களின் உதவியாளராக இருந்து, முக்கியமான போர் திட்டங்களில், விசாரணைப் பொருட்களை சேகரித்து தரலாம். விமானிகளைப் பின்பற்றும் விதத்தில் கட்டளைகளை ஏற்று செயல்படக் கூடியது என்பது Valkyrie-யின் தனிச் சிறப்பாகும்.

தொழில்நுட்ப ரீதியாகப் பார்க்கும் போது, இந்த விமானம் புனிதமான ரன்வே தேவையின்மையை குறிக்கிறது. வழக்கமான போர் விமானங்கள் போல நீண்ட ஓட்டத் தளங்களோ அல்லது பரபரப்பான விமான நிலையங்களோ தேவைப்படாமல், நிலத்திலிருந்து துரிதமாக ஏவிக் கொண்டு போக்குவரத்துக் குறைந்த அதிவேக ஏவுகணைகளைப் பயன்படுத்தி வானில் எழுந்து செயல்பட வாய்ப்பு உள்ளது.

போர்துறை தந்திரத்தில் இதன் பயன்கள் பலவாகும். முதலில், மனித விமானிகளை நேரடியாக அனுப்புவதால் வரும் உயிர் பாதிப்பு அபாயத்தை குறைக்க முடியும். ஆபத்தான திரைப்பிரதேசங்களில் நீண்டநேரம் பறக்கும் திறன் கொண்ட Valkyrie, சோர்வு பாதிப்புகளை ஒருபோதும் எதிர் கொள்ள போவதில்லை.

புதிய மாற்றம்

எதிர் நாட்டு ரகசிய உளவுத்துறை மற்றும் போர் நடைமுறைகளுக்கு இது புதிய மாற்றத்தை ஏற்படுத்தும். AI வல்லமையைப் போர் சூழலில் முழுமையாக நம்ப வேண்டி உள்ளதால், தகவல் மற்றும் ஆபத்து மதிப்பீடு முடிவுகளை மனித உத்தரவுகளுடன் இணைத்துச் செயல்பட வேண்டியதாயிருக்கும். Valkyrie-யின் தொழில்நுட்ப அம்சங்களுக்கு பிறகும், விற்பனை மற்றும் ஆணையம் தொடர்பான அம்சங்கள் முக்கியமானதாக பார்க்கப்படுகிறது.

Valkyrie போன்ற கருவிகள் எதிர்காலப் போர்களில் மனிதர்களின் பங்கு குறையும் அல்லது மாறும் என்பது குறித்து பல்வேறு கருத்துகள் எழுகின்றன. முக்கியமாக, KRATOS நிறுவனத்தின் அறிவிப்பு உலகளாவிய ராணுவ ஆராய்ச்சியாளர்களின் கவனத்தை ஈர்த்துள்ளது. XQ-58A Valkyrie-யின் பரிசோதனைக்கு பின்பு, இதே வகை விமானங்கள் உலகளாவிய பாதுகாப்பு நிலைமையிலும் தொழில்நுட்ப போட்டியிலும் ஒரு புதிய அத்தியாயத்தைத் தொடங்க உள்ளதாக சிறந்த நிபுணர்கள் மதிப்பீடு செய்கிறார்கள்.

சுட்டுக் கொல்லப்பட்டார் சுவிசேஷகர். சார்லி கிரிக்

Posted on by

சார்லி கிர்க், 32 வயது அமெரிக்கா சுவிசேஷகர் ‘நேற்றையதினம் குறிப்பிட்ட பல்கலைக் கழகத்தில் உரையாற்றிக்கொண்டிருந்தபோது சுட்டு கொல்லப்பட்டிருக்கிறார். இவர் சமரசம் இல்லாமல் கர்த்தருடைய வார்த்தையை போதித்தவர். அமெரிக்க மக்களின் பாவங்களை தைரியமாக கண்டித்தார். மக்கள் தேவனுடைய நியாயத்தீர்ப்பை சந்தித்தே ஆக வேண்டும் என எச்சரித்தார்.

நேற்று utha university ல பேசி கொண்டிருக்கும் போது கழுத்தில் சுடப்பட்டார். இவர் இளம் வயதில் அமெரிக்க மக்களால் அறியப்பட்டவர். விவாகரத்து, வேதத்துக்கு முரணான ஆண்-ஆண், பெண்-பெண் திருமணம், கருக்கலைப்பு போன்றவற்றை எதிர்த்தார். பல்கலை மாணவர்கள் இடையில் மாபெரும் மாற்றம் கொண்டுவந்தவர். சுவிசேஷத்தை தைரியமாக பிரசங்கித்த இவர் ஒரு யூதர். அவரது திடீர் மரணம் அமெரிக்க திருச்சபைகளுக்கு மிகப் பெரிய இழப்பு!
-சத்தியம் ஒருபோதும் சமரசம் செய்வதில்லை

TET தேர்வுக்கு விண்ணப்பிக்க கால அவகாசம் நீட்டிப்பு

Posted on by

TET தேர்வுக்கு விண்ணப்பிக்கு இன்றுடன் அவகாசம் நிறைவு.பணியில் இருக்கும் அரசு பள்ளி ஆசிரியர்கள் பணியில் தொடர TET தேர்ச்சி அவசியம்.TET தேர்வுக்கு விண்ணப்பிப்பதற்கான கால அவகாசம் 10ம் தேதி வரை நீட்டித்து உத்தரவிடப்பட்டுள்ளது.TET தேர்வுக்கு விண்ணப்பிக்கு இன்றுடன் அவகாசம் நிறைவு என அறிவிக்கப்பட்டிருந்த நிலையில் செப்டம்பர் 10ம் தேதி மாலை 6 மணி வரை நீட்டிக்கப்பட்டுள்ளது.தற்போது பணியில் இருக்கும் ஆசிரியர்களின் கோரிக்கையை ஏற்று TET தேர்வுக்கு விண்ணப்பிப்பதற்கான கால அவகாசம் நீட்டிக்கப்பட்டுள்ளது.அரசு பள்ளி ஆசிரியர்கள் பணியில் தொடர, பதவி உயர்வு பெற TET தேர்வில் தேர்ச்சி பெற வேண்டுமென உச்சநீதிமன்றம் தீர்ப்பு வழங்கியுள்ளது குறிப்பிடத்தக்கது.

பணியிலுள்ள ஆசிரியர்களுக்கு சிறப்பு ‘டெட்’ தேர்வு நடத்த தமிழக அரசு பரிசீலனை

Posted on by

சென்னை: உச்ச நீதிமன்ற தீர்ப்பின்படி பணியில் உள்ள ஆசிரியர்களுக்கு சிறப்பு டெட் தேர்வு நடத்துவதற்கு தமிழக அரசு பரிசீலனை செய்து வருவதாக தகவல்கள் கிடைத்துள்ளன.மத்திய அரசின் இலவச கட்டாயக் கல்வி உரிமை சட்டம் 2010 ஆக.23-ம் தேதி அறிமுகம் செய்யப்பட்டது.

அதன்படி அனைத்து விதமான பள்ளிகளிலும் 6 முதல் 14 வயதுக்குட்பட்ட குழந்தைகளுக்கு பாடம் பயிற்றுவிக்கும் இடை நிலை, பட்டதாரி ஆசிரியர் பணிக்கு ஆசிரியர் தகுதித் தேர்வில் (டெட்) கட்டாயம் தேர்ச்சி பெற வேண்டும். இந்த சட்டம் தமிழகத்தில் 2011-ல் தான் நடைமுறைக்கு வந்தது. அதன்பின் தமிழகத்தில் டெட் தேர்ச்சி அடிப்படையிலேயே ஆசிரியர் பணி நியமனம் மேற்கொள்ளப்பட்டு வருகிறது.இந்நிலையில், பணியில் இருக்கும் ஆசிரியர்கள் அனைவரும் டெட் தேர்ச்சி பெற வேண்டும். அவ்வாறு தேர்வு எழுத விருப்பம் இல்லாதவர்கள் விருப்ப ஓய்வுக்கு விண்ணப்பிக்கலாம் உச்ச நீதிமன்றம் சமீபத்தில் அதிரடியாக உத்தரவிட்டது.

இந்த அறிவிப்பால் தமிழகத்தில் சுமார் 1.5 லட்சம் அரசுப் பள்ளி ஆசிரியர்கள் பாதிக்கப்படுவார்கள் என கூறப்படுகிறது. மேலும், தனியார் பள்ளிகளிலும் லட்சக்கணக்கான ஆசிரியர்களின் வேலைக்கு சிக்கல் ஏற்பட்டுள்ளது.

இந்த விவகாரம் தொடர்பாக அடுத்தகட்ட நடவடிக்கைகள் குறித்து ஆலோசனைக் கூட்டம் தலைமைச் செயலர் முருகானந்தம் தலைமையில் சென்னையில் இன்று நடைபெற்றது. இதில் பள்ளிக் கல்வித் துறை செயலர் சந்திரமோகன் மற்றும் துறை சார்ந்த அதிகாரிகள் பலர் கலந்து கொண்டனர். இந்தக் கூட்டத்தில், சட்ட நிபுணர்களின் பரிந்துரையின் அடிப்படையில் உச்ச நீதிமன்ற தீர்ப்பை எதிர்த்து மேல்முறையீடு செய்ய வேண்டாம் எனவும், ஆசிரியர்கள் டெட் தேர்ச்சி பெறும் ஏதுவாக ஆண்டுக்கு 2 முறை தேர்வை நடத்தவும் முடிவாகியுள்ளதாக தகவல்கள் கிடைத்துள்ளன.

இதுகுறித்து பள்ளிக் கல்வித் துறை அதிகாரிகள் தரப்பில் கூறியது: “உச்ச நீதிமன்றத்தின் அறிவுறுத்தலின்படி 2 ஆண்டுகளில் 4 டெட் தேர்வுகள் நடத்தப்படும். அந்த வாய்ப்பை பயன்படுத்தி ஆசிரியர்கள் தேர்ச்சிபெற வேண்டும். ஆசிரியர் தேர்வு வாரியம் (டிஆர்பி) ஏற்கெனவே வெளியிட்ட அறிவிப்பு நவம்பரில் டெட் தேர்வு நடைபெற உள்ளது. தொடர்ந்து உடனடியாக ஜனவரி அல்லது பிப்ரவரியில் அடுத்த டெட் தேர்வை நடத்த இருக்கிறோம்.

மேலும், ஆசிரியர்களுக்கு மட்டும் சிறப்பு டெட் தேர்வு நடத்துவது குறித்தும் பரிசீலனை செய்து வருகிறோம். தற்போது வெளிநாடுகளுக்கு சுற்றுப் பயணம் சென்றுள்ள முதல்வர் ஸ்டாலின் தமிழகம் திரும்பியதும், இந்த முடிவுகள் குறித்து அவரிடம் ஆலோசனை செய்யப்படும். அதன்பிறகே, இந்த விவகாரத்தில் இறுதி முடிவுகள் எடுக்கப்படும்” என்று அவர்கள் தெரிவித்தனர்

எம்மா குஷ்மேன் என்ற மாமனிதரை பற்றி உங்களுக்கு தெரியுமா?

Posted on by

மண்ணில் : 1863 – விண்ணில் : 1931

ஊர் : பர்லிங்டன், நியூயார்க்

தரிசன பூமி : கொனியா, ஆசியா மைனர்

முதலாம் உலகப் போரின்போது ஆர்மீனிய இனப்படுகொலை உலக வரலாற்றின் கொடுமையான காலங்களில் ஒன்றாகும். துருக்கியர்கள் சுமார் ஒரு மில்லியன் (10 லட்சம்) ஆர்மீனியர்களைக் கொன்றனர். மேலும் பெண்களையும் குழந்தைகளையும் கட்டாயமாக இஸ்லாம் மதத்திற்கு மாற்றினார்கள். ஆயிரக்கணக்கான கிறிஸ்தவர்கள் தங்கள் நகரங்களை விட்டு பாலைவனத்தில் சாகும் வரை நடக்க பலவந்தம் படுத்தப்பட்டனர். தேவன் தனது தேர்ந்தெடுக்கப்பட்ட மிஷனரிகள் மூலம் தனது பரலோக அன்பை இந்த வெறுப்பு மற்றும் கொடுமையால் நிரம்பிய மக்களுக்கு கூட வெளிப்படுத்துவதை செறியெனக் கண்டார். இப்படி தேவனால் தேர்ந்தெடுக்கப்பட்ட மக்களில் ஒருவர் தான் எம்மா குஷ்மேன்.எம்மா டார்லிங் குஷ்மேன். ஆசியா மைனரின் மிகப்பெரிய நகரமான கொனியாவில் (அப்போஸ்தலன் பவுல் காலத்தின் ‘இக்கோனியா பட்டண’) உள்ள ஒரு மருத்துவமனையில் பணியாற்றிய ஒரு அமெரிக்க செவிலியர். எம்மா அமெரிக்கர்கள் மற்றும் ஆர்மீனியர்களை வெறுக்கும் அதே காயமடைந்த துருக்கியர்களை பராமரித்தும். மருத்துவமனையின் தலைமை செவிலியராகவும் இருந்தார். ஒருமுறை காயமடைந்த துருக்கியர் ஒருவர் அவரது மருத்துவமனையில் அனுமதிக்கப்பட்டார். சுவற்றில் பொருத்தப்பட்ட இயேசு கிறிஸ்துவின் படத்தை அகற்ற வேண்டும் என்று அவர் வலியுறுத்தினார். குஷ்மேன் அதற்க்கு. “இல்லை. மக்களுக்கு தேவன் அன்பாய் இருக்கிறார் என்று போதித்த பரம வைத்தியராகிய இயேசுவின் படம் இது. அவர் அதைக் போதித்ததாலும், அவருடைய அடிச்சுவடுகளைப் பின்பற்ற என்னை அழைத்ததாலும், நான் உன்னை குணமாக்க உதவ இங்கே நிற்கிறேன்.” என்று உறுதியாகப் பதிலளித்தார். அந்த நபர் குணமடைந்த பிறகு இந்த விஷயத்தைக் குறித்து யோசிக்கலாம் என்று எண்ணினார். ஆனால் அவர் மருத்துவமனையில் செலவிட்ட நேரத்திலே. குஷ்மேன் மற்றும் பிற ஆர்மீனிய செவிலியர்களிடம் கிறிஸ்துவின் அன்பைக் கண்டார். அவர் மருத்துவமனையிலிருந்து வெளியேறுவதற்குள். அவர் முழுவதுமாய் மனமாறினார். எவ்வளவு தைரியமிக்க அன்பான பெண்மணியாய் திகழ்ந்தார் எம்மா!முதல் உலகப் போரின்போது, கொடூரமான இனப்படுகொலையின் மத்தியில், குஷ்மேன் மற்றும் அவரது செவிலியர் குழு காயமடைந்த துருக்கியர்களுக்கும் ஆர்மீனியர்களுக்கும் சிகிச்சை வழங்கினர். அவரது வாழ்க்கையே ஒரு நூலிழையில் ஊசலாடுவதுபோல் இருந்தாலும், அவர் பல ஆர்மீனிய சிறுவர்களையும் சிறுமிகளையும் மரண தறுவாயிலிருந்து காப்பாற்றினார். போரினால் அனாதையான அநேக குழந்தைகளை பராமரித்தார். அவர் அவர்களுக்கு எழுத. படிக்க கற்றுக்கொடுத்து. தையல் மற்றும் தோல் வெட்டுதல் போன்ற வேறு சில திறன்களைக் கற்றுக்கொள்ளவும் உதவினார். தன் முடிவு பரியந்தம் தன் மிஷனரி அழைப்பிற்கு உண்மையாக இருந்தார் எம்மா குஷ்மேன்.

பிரியமானவர்களே. நீங்கள் உங்கள் எதிரிகளை நேசிக்கிறீர்களா

கிறிஸ்தவ பள்ளியில் படித்த.. நிர்மலா சீதாராமனை மதம் மாற்றினார்களா?

Posted on by

டெல்லி: மதமாற்ற புகாரில் கேரளாவை சேர்ந்த கன்னியாஸ்திரிகள் பாஜக ஆளும் சத்தீஸ்கர் மாநிலத்தில் வைத்து கைது செய்யப்பட்டிருக்கின்றன. இந்த விவகாரம் குறித்து நாடாளுமன்றத்தில் பேசிய சிபிஎம் கட்சியின் கேரள எம்பி ஜான் பிரிட்டாஸ், “நிர்மலா சீதாராமன் கிறிஸ்தவ பள்ளியில் படித்தார் அவரை யாராவாது மதம் மாற்றினார்களா?” என கேள்வி எழுப்பியுள்ளார்.

சத்தீஸ்கர் மாநிலத்தில் துர்க் ரயில் நிலையத்தில், கேரளாவை சேர்ந்த மூன்று கன்னியாஸ்திரிகள் கைது செய்யப்பட்டனர். இவர்கள் மீது மத மாற்றம் செய்தல் மற்றும் ஆள் கடத்தல் உள்ளிட்ட பிரிவுகளின் கீழ் வழக்குப்பதிவு செய்யப்பட்டிருக்கிறது.

இவர்கள் ஊழியம் செய்வதற்காக நாராயண்பூர் என்கிற ஊருக்கு சென்றிருக்கிறார்கள். அங்கு பழங்குடியின குடும்பத்தினருக்கு கிறிஸ்தவ மதம் மீது நம்பிக்கை ஏற்பட்டிருக்கிறது. இதனையடுத்து அந்த குடும்பத்தில் உள்ள ஒரு பெண்ணுக்கு கன்னியாஸ்திரிகள் வேலைவாய்ப்பு பெற்று கொடுத்திருக்கிறார்கள். மூன்று கன்னியாஸ்திரிகள் மற்றும் நாராயண்பூரை சேர்ந்த 21 வயது பழங்குடி சமூகத்தை சேர்ந்த இளம்பெண் ஆகியோர் துர்க் ரயில் நிலையத்தில் ரயிலுக்காக காத்திருந்திருக்கின்றனர்.

அப்போது அங்கு வந்த இந்துத்துவா அமைப்பை சேர்ந்த நபர்கள், இளம்பெண்ணை மதமாற்றம் செய்து கடத்துவதாக ரயில்வே போலீசில் புகார் அளித்துள்ளனர். புகாரின் அடிப்படையில் போலீசார் கன்னியாஸ்திரிகளை கைது செய்திருக்கின்றனர். இது நாடு முழுவதும் பெரும் அதிர்ச்சியை ஏற்படுத்தியிருந்தது. இதில் 21 வயது இளம்பெண், தன்னை யாரும் கடத்தவில்லை, விருப்பப்பட்டுதான் கன்னியாஸ்திரிகளுடன் சென்றேன் என்று கூறியிருக்கிறார்.

இந்நிலையில், இந்த விவகாரம் தொடர்பாக நாடாளுமன்றத்தில் சிபிஎம் கட்சியின் கேரள எம்பியனா ஜான் பிரிட்டாஸ் குரல் எழுப்பியிருக்கிறார். அவர் பேசியதாவது, “பாஜக தலைவர்களான ஜே.பி. நட்டா, பியூஷ் கோயல், நிர்மலா சீதாராமன், ஜெய்சங்கர் ஆகியோர் அனைவரும் கிறிஸ்தவப் பள்ளிகளில் படித்தவர்கள்தான். நீங்கள் கிறிஸ்தவராகிவிட்டீர்களா? இல்லையே, இந்துவாகத்தானே இருக்கிறீர்கள்.

அதேபோல, மருத்துவ சேவை மற்றும் கல்வித் துறைகளில் பாராட்டத்தக்க சேவை வழங்கும் கிறிஸ்தவர்களையும், கன்னியாஸ்திரிகளையும் நீங்கள் துன்புறுத்தக் கூடாது. இத்தகைய செயல்கள் நாட்டின் நற்பெயருக்குக் களங்கம் விளைவிக்கும். நாட்டில் ஒவ்வொருவருக்கும் மத சுதந்திரம் இருக்கிறது” என்று கூறியுள்ளார்.

கேரள பாஜக இந்த விவகாரத்தில் கடுமையான நெருக்கடியில் சிக்கியிருக்கிறது. கன்னியாஸ்திரிகள் ஜாமீன் கோரி துர்க் செஷன்ஸ் நீதிமன்றத்தில் மனு தாக்கல் செய்திருந்தனர். சத்தீஸ்கரில் ஆளும் கட்சியாக பாஜக இருக்கிறது. அரசு தரப்பில் ஆஜரான வழக்கறிஞர் ஜாமீன் மனுவை எதிர்க்கவில்லை என்று கேரள பாஜக கூறி வந்திருந்தது. ஆனால் அரசு தரப்பு வழக்கறிஞர் ஜாமீனை எதிர்த்தனர். எனவே, கேரள பாஜகவின் கூற்று பொய் என நிரூபணம் ஆகி இருப்பதாக சிபிஎம் விமர்சித்திருக்கிறது.

மதம் மாறிய பேரூராட்சி தலைவர் பதவி பறிப்பு: உத்தரவை உறுதி செய்தது உயர் நீதிமன்ற மதுரை அமர்வு

Posted on by

மதம் மாறியதை மறைத்து பேரூராட்சித் தலைவர் தேர்தலில் வென்ற அதிமுக பெண் கவுன்சிலரின் தலைவர் பதவியை பறித்த உத்தரவை உயர் நீதிமன்ற மதுரை அமர்வு உறுதிப்படுத்தியுள்ளது.

கன்னியாகுமரி மாவட்டம், தேரூர் பேரூராட்சிக் கவுன்சிலர் அய்யப்பன், உயர் நீதிமன்ற மதுரை அமர்வில் தாக்கல் செய்த மனுவில் கூறியிருப்பதாவது: தேரூர் பேரூராட்சியில் 2022-ல் நடைபெற்ற தேர்தலில் திமுக சார்பில் 8-வது வார்டில் போட்டியிட்டு கவுன்சிலரானேன். பேரூராட்சித் தலைவர் பதவி பட்டியலினத்துக்கு ஒதுக்கீடு செய்யப்பட்டது.இந்த தேர்தலில் 2-வது வார்டு அதிமுக கவுன்சிலர் அமுதாராணி வெற்றி பெற்றார். அவர் கிறிஸ்தவ மதத்தைச் சேர்ந்தவர். 2005-ம் ஆண்டிலேயே மதம் மாறி கிறிஸ்தவ மதத்தில் இணைந்து, கிறிஸ்தவரை திருமணம் செய்தவர். இந்து பட்டியல் சமூகத்தைச் சேர்ந்தவர் வேறு மதத்துக்கு மாறினால், அவர் பட்டியலினப் பிரிவினருக்கான இடஒதுக்கீட்டுப் பலனைப் பெற முடியாது.

இந்​நிலை​யில், கிறிஸ்​தவ​ரான அமு​தா​ராணி, தான் இந்து பட்​டியலினத்​தைச் சேர்ந்​தவர் என்று கூறி தேர்​தலில் போட்​டி​யிட்​டு, வெற்றி பெற்​றார். இது சட்​ட​விரோத​மானது. எனவே, தேரூர் பேரூ​ராட்​சித் தலை​வ​ராக உள்ள அமு​தா​ராணி​யின் பட்​டியலின சாதிச் சான்​றிதழை ரத்து செய்​து, அவரை தலை​வர் பதவி​யில் இருந்து தகுதி நீக்​கம் செய்து உத்​தர​விட வேண்​டும். இவ்​வாறு மனு​வில் கூறி​யிருந்​தார்.

இந்த மனுவை தனி நீதிபதி விக்டோரியா கௌரி விசாரித்து, “இந்து பட்டியல் வகுப்பைச் சேர்ந்த ஒருவர் கிறிஸ்தவ மதம் மாறி, கிறிஸ்தவர் ஒருவரை திருமணம் செய்துகொண்டதற்கு அனைத்து ஆவணங்களும் உள்ள நிலையில், பட்டியலின வகுப்பைச் சேர்ந்தவர் என்று கூறி வேட்புமனுத் தாக்கல் செய்தபோதே, அவரது வேட்புமனுவை தேர்தல் அதிகாரிகள் தகுதி நீக்கம் செய்திருக்க வேண்டும்.

ஒரு​வர் ஒரே நேரத்​தில் இரு சலுகைகளை அனுபவிக்​கக் கூடாது. இது அரசி​யலமைப்​புச் சட்​டத்தை ஏமாற்​றும் செய​லாகும். எனவே, அமு​தா​ராணி தலை​வர் பதவியி​லிருந்து தகுதி நீக்​கம் செய்​யப்பட வேண்​டும்” என்று உத்​தர​விட்​டார்.

இந்த உத்​தரவை எதிர்த்து அமுதா​ராணி மேல்​முறை​யீடு செய்​தார். இதை விசா​ரித்து நீதிப​தி​கள் ஜி.ஆர்.சுவாமி​நாதன், கே.​ராஜசேகர் அமர்வு பிறப்​பித்த உத்​தர​வில் கூறி​யிருப்​ப​தாவது

இந்த வழக்​கின் உண்​மை​யான பிரச்​சினை அமு​தா​ராணி கிறிஸ்தவ மதத்தை ஏற்​றுக்​கொள்​கிறா​ரா, அவர் ஞானஸ்​நானம் பெற்​றாரா என்​பது​தான். மனு​தா​ரர் ஞானஸ்​நானம் பெற்​றுக்​கொண்​டது உறு​திப்​படுத்​தப்​படு​கிறது. ஒரு​வர் ஒரு மதத்​திலிருந்து மற்ற மதத்​துக்கு மாறு​வது என்​பது அரசி​யலமைப்​பின் அடிப்​படை உரிமை​யாகும்.

ஆனால், ஞானஸ்​நானத்​துக்​குப் பிறகு புதிய அடை​யாளத்தை மறைத்​து, அரசி​யலமைப்​புச் சட்​டம் வழங்​கி​யுள்ள உரிமை​களை அனுபவிக்​கும் நோக்​கத்​துக்​காக, பட்​டியல் இன சமூக நிலை​யில் தொடரும்​போது சிக்​கல் ஏற்​படு​கிறது.

இந்த வழக்​கில் மேல்​முறை​யீட்டு மனு​தா​ரர் கிறிஸ்தவ மதத்​தைத் தழுவி உள்​ளார் என்​பது ஆதா​ரங்​களு​டன் நிரூபிக்​கப்​பட்​டுள்​ளது. எனவே, தனி நீதிப​தி​யின் உத்​தரவு உறுதி செய்​யப்​பட்​டு, மேல்​முறை​யீட்டு மனு தள்​ளு​படி செய்​யப்​படு​கிறது. இவ்​வாறு உத்​தர​வில் தெரி​வித்​துள்​ளனர்.

Older posts